आधार क्रमांक नसल्यास अन्नधान्य मिळणार नाही

        सोलापूर दि. 27: -  आधार क्रमांक नसल्यास यापुढे स्वस्त धान्य दुकानात अन्नधान्याचा लाभ दिला जाणार नसल्याचे,  अन्नधान्य वितरण अधिकारी  श्रीमंत पाटोळे यांनी  पत्रकान्वये स्पष्ट केले आहे.

       श्री. पाटोळे यांनी प्रसिध्दीस दिलेल्या पत्रकात नमूद केले की , सध्या ज्या लाभार्थ्यांना अन्नधान्य मिळत आहे, परंतु त्यांनी अद्याप आपला आधार क्रमांक उपलब्ध करून दिलेला नाही अशा लाभार्थ्यांची नावे 16 नोव्हेंबर 2016 पासून लाभार्थी यादीतून कायमस्वरूप वगळण्यात येतील. त्यांना लाभ दिला जाणार नाही. अन्न सुरक्षा अधिनियमातून लाभ घेणा-या लाभार्थ्यांनी आपला आधार क्रमांक 15 नोव्हेंबर 2016 पर्यंत उपलब्ध करून द्यावा , असे आवाहनही श्रीमंत पाटोळे यांनी केले आहे.

                                                                   0 0 0 0