सोलापूर दि. 10 :- चार वर्षे भारताच्या नवनिर्माणाची सर्वांची साथ, सर्वांचा विकास या संकल्पनेवर आधारित लोकराज्य मासिकाचे प्रकाशन पालकमंत्री विजय देशमुख यांच्या हस्ते करण्यात आले.
जिल्हाधिकारी कार्यालयात झालेल्या या प्रकाशन सोहळ्यास जिल्हाधिकारी डॉ. राजेंद्र भोसले, बार्शीचे नगराध्यक्ष ॲड आसिफ तांबोळी, माजी आमदार राजेंद्र राऊत, अक्कलकोटचे माजी नगराध्यक्ष बसलिंगाप्पा खेडगी, जिल्हा माहिती अधिकारी रवींद्र राऊत उपस्थित होते.
राज्य शासनाच्या माहिती आणि जनसंपर्क महासंचालनालयाच्यावतीने लोकराज्य मासिक प्रकाशित केले जाते. मे महिन्याच्या विशेषांक चार वर्षे भारताच्या नवनिर्माणाची सर्वांची साथ, सर्वाचा विकास या संकल्पनेवर आधारित आहे. या विशेषांकात पायाभूत सुविधा विकास, उच्च शिक्षण, उद्योगांचे सक्षमीकरण, मेक इन इंडिया, महिला शक्ती, महिला व बालकांचे संरक्षण, परिवर्तन घडविणाऱ्या योजना, आपले सरकार, आपले ॲप्स अशा विविध विषयांवरील लेखांचा समावेश आहे.
यावेळी पत्रकार विठ्ठल सुतार, राकेश कदम, अविनाश गायकवाड, तात्या लांडगे, हरिशचंद्र कदम, झाकीर पिरजादे आदी उपस्थित होते.
No comments:
Post a Comment