संत रोहीदास चर्मोद्योग व चर्मकार विकास महामंडळाच्या कौशल्य प्रशिक्षण आयोजनासाठी संस्थांनी अर्ज करावे

            पुणे दि. 01 :  संत रोहीदास चर्मोद्योग व चर्मकार विकास महामंडळातर्फे चर्मकार समाजातील कुटूंबामधील पात्र मुला/मुलींसाठी व्यवसायीक कौशल्य वाढविण्‌यांच्या उद्‌देशाने प्रशिक्षण योजना राबविण्यांत येते. प्रशिक्षण योजना राबविण्यासाठी खालील अटी पुर्ण करीत असलेल्या संस्थांकडून प्रशिक्षण देण्याकरिता प्रस्ताव मागविण्यात येत आहे.

संस्थेस व्यवसाय शिक्षण व प्रशिक्षण संचालनालय,महाराष्ट्र राज्य, मुंबई- 400001 महाराष्ट्र राज्यात तंत्र शिक्षण मंडळ, मुंबई-51/व्यवसाय शिक्षण प्रमाण पत्र परिक्षामंडळ,मुंबई-51 यांच्याकडून मान्यता अथवा इतर तत्सम संस्थांशी संलग्नता असावी. सदर संस्था मागील सलग पाच वर्षां पासुन कार्यरत असावी. संस्थेचे मागील तीन वर्षांचे ऑडीट पुर्ण झालेले असावे. संस्थेकडे ट्रेडनिहाय प्रशिक्षणासाठी प्रशस्त जागा, यंत्रसामग्री व प्रशिक्षित कर्मचारी वर्ग असावा. सदर संस्थेकडुन मागील तीन वर्षात ट्रेडनिहाय किती प्रशिक्षणार्थींना वर्षनिहाय प्रशिक्षन दिलेले आहे, याचा तपशील देण्यात यावा. संस्थेमार्फत मागील तीन वर्षात प्रशिण पुर्ण केल्या नंतर किती प्रशिक्षणार्थींनी आपला व्यवसाय सुरु केला आहे/नोकरी मिळाली आहे याचा तपशील देण्यात यावा. सदर संस्थेने प्रशिक्षन देणा-या प्रशिक्षणार्थींपैकी 30% महिला प्रशिक्षणार्थी असणे आवश्यक आहे. सदर संस्थेस शासन मान्यतेप्रमाणे एका वर्षात ट्रेडनिहाय किती विद्यार्थ्यांची प्रशिक्षणासाठी मान्यता असल्याबाबतचा सविस्तर तपशिल देण्यात यावा. प्रशिक्षण पुर्ण केल्यानंतर सदर ट्रेडची परिक्षा कोणामार्फत घेतली जाईल याचा तपशील देण्यात यावा. प्रशिक्षण पुर्ण केल्यानंतर जॉब प्लेसमेंट करिता काय कार्यवाहि करण्यात येते व स्वयंरोजगार थाटण्यासाठी  कोणती मदत प्रशिक्षणार्थींस देण्यात येते, याकरिता कोणती यंत्रणा कार्यरत आहे याचा तपशील देण्यात यावा. बाहेरगावच्या प्रशिक्षणार्थींसाठी राहण्याची व भोजनाची व्यवस्था होउ शकेल का? याचा तपशील देण्यात यावा.

           उपरोक्त अटींची पुर्तता करीत असलेल्या प्रशिक्षण संस्थांनी त्यांचे प्रस्ताव 5 ते 13 सप्टेंबर 2016 या कालावधीमध्ये संत रोहिदास चर्मोद्योग व चर्मकार विकास महामंडळ मर्या., जिल्हा कार्यालय या ठिकाणी सादर करावा. प्राप्त झालेल्या संस्थेच्या प्रस्तावाची स्थळपाहणी  15 सप्टेंबर, 2016 पर्यत जिल्हा व्यवस्थापक करणार आहेत असे संत रोहीदास चर्मोद्योग व चर्मकार विकास महामंडळाचे व्यवस्थापकीय संचालकांनी प्रसिध्दीपत्रकाद्वारे कळविले आहे.

                                                          000