पुणे दि. 5 : जिल्हा परिषद व पंचायत समिती निवडणूक 2017 अंतर्गत जिल्ह्यातून आज पाचव्या दिवशी जिल्हा परिषद विभागासाठी 173 तर पंचायत समिती निर्वाचक गणांसाठी 314 नामनिर्देशन पत्रे दाखल झाली आहेत. नामनिर्देशन पत्रे दाखल करण्याच्या पाचव्या दिवस अखेर जिल्हा परिषद विभागासाठी 279 तर पंचायत समिती निर्वाचक गणांसाठी 490 नामनिर्देशन पत्रे दाखल झाली असल्याची माहिती जिल्हा परिषद व पंचायत समिती निवडणूक समन्वय अधिकारी तथा उपजिल्हाधिकारी विक्रांत चव्हाण यांनी दिली.
आज दिनांक 5 फेब्रुवारी 2017 रोजी जिल्हा परिषद विभागासाठी व पंचायत समिती निर्वाचक गणांसाठी (कंसात) दाखल करण्यात आलेल्या तालुकानिहाय नामनिर्देशन पत्राबाबतची सविस्तर माहिती खालील प्रमाणे आहे. जुन्नर – जिल्हा परिषद विभागासाठी 15 (पंचायत समिती निर्वाचक गणासाठी 38), आंबेगाव – 11 (21), शिरुर – 13 (26), खेड – 12 (33), मावळ – 3 (14), मुळशी – 5 (18), हवेली – 38 (51), दौंड – 14 (18), पुरंदर – 13 (26), वेल्हे – 2 (5), भोर – 5 (10), बारामती – 14 (21), इंदापूर – जिल्हा परिषद विभागासाठी 28 (पंचायत समिती निर्वाचक गणासाठी 33) याप्रमाणे नामनिर्देशन पत्रे दाखल झाली आहेत. नामनिर्देशन पत्रे दाखल करण्याचा उद्याचा शेवटचा दिवस आहे, अशीही माहिती श्री. चव्हाण यांनी दिली.
No comments:
Post a Comment