सोलापूर दि.1:- प्रधानमंत्री पीक विमा योजनेत सहभागासाठीची मुदत 5ऑगस्ट 2017 पर्यंत वाढवण्यात आली आहे, अशी माहिती जिल्हा अधिक्षक कृषी अधिकारी बसवराज बिराजदार यांनी आज प्रसिध्दी पत्राकाव्दारे दिली. ही मुदत पुर्वी 31 जुलै 2017 पर्यंत होती.
त्यांनी प्रसिध्दीस दिलेल्या पत्रकात नमूद करण्यात आले आहे की, सोलापूर जिल्ह्यातील शेतकऱ्यांनी विमा योजनेत सहभागी होण्यासाठी आवश्यक त्या कागदपत्रांसह उपविभागीय कृषी अधिकारी सोलापूर, पंढरपूर, कुर्डूवाडी किंवा तालुका कृषी अधिकारी, मंडळ कृषी अधिकारी यांच्याशी संपर्क साधावा. कर्जदार आणि बिगर कर्जदार शेतकऱ्यांनी आपले सविस्तर विमा प्रस्ताव नजिकच्या राष्ट्रीयकृत बँकेत अथवा सोलापूर जिल्हा मध्यवर्ती सहकारी बँकेच्या कार्यालयात सादर करावेत, असेही श्री. बिराजदार यांनी आवाहन केले आहे.
*****
No comments:
Post a Comment