सोलापूर दि.1:- साहित्यरत्न लोकशाहीर अण्णा भाऊ साठे यांच्या जयंती दिनाचे
औचित्य साधून आज दहा लाभार्थ्यांना धनादेशाचे वितरण करण्यात आले.
साहित्यरत्न लोकशाहीर अण्णाभाऊ साठे विकास महामंडळाच्या सातरस्ता येथील
कार्यालयात झालेल्या या कार्यक्रमात जिल्हा पुरवठा अधिकारी श्रीमंत पाटोळे यांच्या
हस्ते धनादेशाचे वितरण करण्यात आले. यावेळी जयंतीनिमित्त
साहित्यरत्न लोकशाहीर अण्णाभाऊ साठे यांच्या प्रतिमेस श्री. पाटोळे,
जिल्हा माहिती अधिकारी रवींद्र राऊत, महामंडळाचे
जिल्हा व्यवस्थापक एल.ए.क्षिरसागर
यांनी पुष्पांजली अर्पण करून अभिवादन केले.
लोकशाहीर अण्णा भाऊ साठे यांनी आपल्या साहित्यातून सामाजिक समतेचा संदेश
दिला. त्यांनी दिलेल्या संदेशाची अंमलबजावणी आजही अनुकरणीय
आहे. त्यांच्या साहित्याचा अभ्यास करायला हवा, असे श्री. पाटोळे यांनी सांगितले.
यावेळी महामंडळाच्या अनुदान योजनेतून पाच आणि बीजभांडवल योजनेतून पाच अशा
दहा लाभार्थींना धनादेशाचे वितरण करण्यात आले.यावेळी विविध महामंडळाचे जिल्हा व्यवस्थापक आणि कर्मचारी
उपस्थित होते.
यावेळी अनुदान योजनेतून रेणुका धनराज गायकवाड, चंद्रशेखर
शिवाजी कांबळे, अंकुश तात्या पारडे, गिरज्जापा
रणदिवे, अंबादास मच्छिंद्र चांदणे यांना प्रत्येकी दहा हजार
रूपयांचे धनादेश देण्यात आले. बीजभांडवल योजनेतून श्रीकृष्ण
गणपती तोरणे, संजय नागनाथ कांबळे, श्रीराज
रोहिदास पवार, दादा हरि बाबरे आणि प्रीती विलास लोंढे यांना
धनादेश वितरीत करण्यात आले.
******
लोकशाहीर अण्णा
भाऊ साठे यांना
जिल्हा
प्रशासनातर्फे अभिवादन
सोलापूर दि.1:- साहित्यरत्न लोकशाहीर अण्णाभाऊ साठे यांच्या जयंती निमित्त
आज जिल्हा प्रशासनातर्फे अभिवादन करण्यात आले.
जिल्हाधिकारी कार्यालयातील
बहुउद्देशीय सभागृहात झालेल्या कार्यक्रमात निवासी उपजिल्हाधिकारी अजित रेळेकर
यांनी लोकशाहीर अण्णाभाऊ साठे यांच्या प्रतिमेस पुष्पांजली अर्पण करून अभिवादन
केले. यावेळी उपजिल्हाधिकारी रेश्मा माळी,
यांच्यासह जिल्हाधिकारी , जिल्हा माहिती
कार्यालयातील अधिकारी , कर्मचारी उपस्थित होते.
No comments:
Post a Comment