राज्यात 17 मार्चपर्यंत विनामूल्य
तपासणी
मुंबई, दि. 8 : जागतिक महिला दिनाचे
औचित्य साधून वैद्यकीय शिक्षण विभागामार्फत महिलांसाठी विनामूल्य स्तन कर्करोग
पूर्वतपासणी शिबीरासआजपासून सुरुवात झाली आहे. राज्यातील सर्व वैद्यकीय
महाविद्यालयांत 17 मार्चपर्यंत ही तपासणी सुरु राहणार आहे.
या शिबीरात आधुनिक उपकरणाद्वारे
विनामूल्य तपासणी तसेच स्तनाच्या कर्करोगाबाबत मार्गदर्शन व समुपदेशन करण्यात
येणार आहे. अमेरिकन तंत्रज्ञानाच्या रेडिएशन फ्री अद्ययावत उपकरणाचा यासाठी उपयोग
केला जाणार आहे.
वैद्यकीय शिक्षण विभागामार्फत वैद्यकीय शिक्षण
मंत्री गिरीश महाजन यांच्या संकल्पनेतून ऑक्टोबर 2016 हा महिना स्तन कर्करोग
जागृती महिना म्हणून हाती घेण्यात आला होता. त्यानुसार विभागाच्या सर्व शासकीय
वैद्यकीय महाविद्यालयांना आधुनिक अमेरिकन तंत्रज्ञानयुक्त तपासणी यंत्र उपलब्ध
करुन देण्यात आले आहे. त्याद्वारे आजपर्यंत 12 हजार 689 महिलांची तपासणी करण्यात
आली असूनयंदा 2 लाख 50 हजार तपासणीचे उद्दिष्ट ठेवण्यात आले आहे. नाशिकचे पालकमंत्री
गिरीश महाजन यांनी नाशिक जिल्ह्यासाठी जिल्हा नियोजन निधीतून चार कर्करोग तपासणी
यंत्रे देण्यात आली आहेत.
महिलांनी या
शिबीराचा मोठ्या संख्येने लाभ घ्यावा, असे आवाहन वैद्यकीय शिक्षणमंत्री गिरीश
महाजन यांनी केले आहे.
****
No comments:
Post a Comment