एतदर्थ मंडळामार्फत मराठी लघुलेखन व टंकलेखन परीक्षेचे वेळापत्रक जाहीर

मुंबई, दि. 08 : महाराष्ट्र शासनाच्या एतदर्थ मंडळामार्फत शासकीय कर्मचाऱ्यांसाठी एप्रिल व मे, 2017 मध्ये घेण्यात येणाऱ्या मराठी लघुलेखन व टंकलेखन परीक्षेबाबतचे वेळापत्रक जाहीर करण्यात आले आहे.

मराठी लघुलेखन (80 शब्द प्रतिमिनिट गती) परीक्षाही इंग्रजी लघुलेखक (निवडश्रेणी, उच्चश्रेणी, निम्नश्रेणी) व इंग्रजी लघु-टंकलेखक यांच्यासाठी दि. 25 एप्रिल रोजी मुंबई, पुणे, नागपूर व औरंगाबाद या चार विभागीय ठिकाणी घेण्यात येईल.

मराठी टंकलेखन परीक्षा दि. 04 मे, 2017 रोजी (30 शब्द प्रति मिनिट गती) इंग्रजी टंकलेखनाचे काम करणारे टंकलेखक व लिपिक-टंकलेखक-तसेच इंग्रजी लघुलेखक, इंग्रजी लघुटंकलेखक यांच्यासाठी गुरुवार दि. 04 मे, 2017 रोजी मुंबई, पुणे, नागपूर, व औरंगाबाद या ठिकाणी घेण्यात येईल. मराठी टंकलेखन परीक्षा संगणकावर घेण्यात येणार असून ती 30 श.प्र.मि.गतीची असेल. यासाठी आय.एस.एम. (ISM V६) सॉफ्टवेअरमध्ये DOVT-Surekh MR हा फाँट टंकलेखनासाठी वापरण्यात येईल. संगणकाची व्यवस्था परीक्षा केंद्रावर मंडळामार्फत करण्यात येणार आहे.

या परीक्षांना बसू इच्छिणाऱ्या कर्मचाऱ्यांनी त्यांची विहित नमुन्यातील आवेदनपत्रे त्यांच्या कार्यालय प्रमुखांमार्फत त्या त्या विभागातील भाषा संचालनालयाच्या अंतर्गत असलेल्या (नवी मुंबई, पुणे, नागपूर व औरंगाबाद) विभागीय कार्यालयांकडे मराठी लघुलेखन व टंकलेखन परीक्षेची आवेदनपत्रे दि. 31 मार्च, 2017 पर्यंत पोहचतील असे पाठवणे आवश्यक आहे. परीक्षेची आवेदनपत्रे विहित मुदतीत न पाठविल्यास परीक्षेस प्रवेश दिला जाणार नाही.

विभागीय कार्यालयांचे पत्ते पुढीलप्रमाणे आहेत.

मुंबई व कोकण विभाग : विभागीय सहाय्यक भाषा संचालक, भाषा संचालनालय, विभागीय कार्यालय, कोकण विभाग, कोकण भवन, 3 रा मजला, नवी मुंबई-400 614, दुरध्वनी क्र.022-27573542

पुणे व नाशिक विभाग : विभागीय सहाय्यक भाषा संचालक, भाषा संचालनालय, विभागीय कार्यालय, नवीन मध्यवर्ती इमारत, 2 रा मजला, पुणे-411 001, दुरध्वनी क्र.020-26121709

नागपूर व अमरावती विभाग : विभागीय सहाय्यक भाषा संचालक, भाषा संचालनालय, विभागीय कार्यालय, प्रशासकीय इमारत, 2 रा मजला, सिव्हिल लाईन्स, नागपूर-440001, दुरध्वनी क्र.0712-2564956

औरंगाबाद विभाग : विभागीय सहाय्यक भाषा संचालक, भाषा संचालनालय, विभागीय कार्यालय, औरंगाबाद विभाग, जुने जिल्हाधिकारी कार्यालयाचा परिसर, औरंगाबाद-431001, दुरध्वनी क्र.0240-2361372.

 मराठी टंकलेखन परीक्षेसाठी व मराठी लघुटंकलेखन परीक्षेसाठी वेगवेगळी आवेदनपत्रे कार्यालय प्रमुखांमार्फत पाठवावीत. सदर आवेदनपत्रात उमेदवाराचे पूर्ण नाव, कार्यालयाचा पत्रव्यवहाराचा पूर्ण पत्ता पिन कोड क्रमांकासह नमूद करणे आवश्यक आहे, असे भाषा संचालक व अध्यक्ष, एतदर्थ मंडळ, मराठी टंकलेखन व लघुलेखन परीक्षा मंडळ यांनी कळविले आहे.

००००