सोलापूर दि. 29– जिल्हाधिकारी कार्यालयाचा परिसर आज एकदम चकाचक झाला. स्वच्छता हीच सेवा या अभियानात आज जिल्हाधिकारी डॉ. राजेंद्र भोसले यांच्यासह महसूल, जिल्हा परिषद, सहकार, वस्त्रोद्योग, कृषी, पोलीस आणि जिल्हा माहिती कार्यालय अशा सर्वच विभागातील अधिकारी – कर्मचारी सहभागी झाले होते.
सकाळी साडेआठच्या सुमारास जिल्हाधिकारी कार्यालयाच्या आवारात स्वच्छता मोहिमेस प्रारंभ झाला. यावेळी महापालिका आयुक्त अविनाश ढाकणे, निवासी उपजिल्हाधिकारी अजित रेळेकर, उपजिल्हाधिकारी श्रीमंत पाटोळे, तहसिलदार उज्वला सोरटे यांच्यासह विविध विभागाचे अधिकारी उपस्थित होते. सर्व अधिकारी – कर्मचारी यांनी जिल्हाधिकारी कार्यालय परिसर, मध्यवर्ती इमारत, जिल्हा कोषागार कार्यालय, उत्तर सोलापूर तहसिल कार्यालय परिसर स्वच्छ केला.
No comments:
Post a Comment