पुणे, दि. 28 : पुणे शहरातील वाहतूक सुरळीत व सुरक्षितपणे चालण्यासाठी येरवडा वाहतूक विभाग पुणे अंतर्गत पोस्ट ऑफिस चौक जंक्शन ते कॉमर्स झोन चौक जंक्शन या सुमारे 800 मीटर लांबीच्या रोडच्या दोन्ही बाजुस व कॉमर्स झोन चौक जंक्शन ते मेंटल हॉस्पीटल कॉर्नर जंक्शन या सुमारे 800 मीटर लांबीच्या रोडच्या दोन्ही बाजुस नो-पार्किंग करण्यात येत आहे. या वाहतूकीच्या बदला बाबत नागरिकांनी आपल्या सूचना 7 ऑक्टोबर 2017 पर्यंत पोलीस उप-आयुक्त, वाहतूक नियंत्रण शाखा, साधु वासवानी रोड, पुणे - 1 येथे लेखी स्वरूपात कळवाव्यात.
कोथरुड वाहतूक विभाग पुणे अंतर्गत कर्वे रोडवरील हॉटेल कोकण एक्सप्रेस चौक ते जितेंद्र अभिषेकी उद्यान टी जंक्शन पर्यंतच्या रोडवर सुरवातीस 20 मीटर रस्त्याचे दुतर्फा नो-पार्किंग व त्यापुढे दुचाकी व चारचाकी वाहनांसाठी पी-1, पी-2 करण्यात येत आहे. तसेच भागीरथी टॉवर ए बिल्डींगचे कॉर्नरला 15 मीटर रस्त्याचे दुतर्फा नो-पार्किंग व त्यापुढे दुचाकी व चारचाकी वाहनांसाठी पी-1, पी-2 करण्यात येत आहे. हडपसर वाहतूक विभाग पुणे अंतर्गत जहागीरनगरकडून मगरपट्टा रोडकडे मुंढवा रेल्वे उड्डाण पुलाकडे येणारी वाहतूक एकेरी होवून मगरपट्टा रोडकडून जहागीर, बी.जे.शिर्के कंपनीकडे जाणाऱ्या वाहतुकीस जहागीरनगर कॉर्नर पर्यंत बंद करण्यात येत आहे. या वाहतूकीच्या बदला बाबत नागरिकांनी आपल्या सूचना 11 ऑक्टोबर 2017 पर्यंत पोलीस उप-आयुक्त, वाहतूक नियंत्रण शाखा, साधु वासवानी रोड, पुणे - 1 येथे लेखी स्वरूपात कळवाव्यात, असे पुणे शहर वाहतुक विभागाचे पोलीस उपायुक्त अशोक मोराळे यांनी प्रसिध्दी पत्रकाद्वारे कळविले आहे.
000000
No comments:
Post a Comment