पुणे विभागात अन्नधान्य व भाजीपाल्याचा पुरेसा पुरवठा-विभागीय आयुक्त डॉ.दीपक म्हैसेकर

पुणे, दि. 23 : पुणे विभागात अन्नधान्य व भाजीपाल्याचा पुरेसा पुरवठा झाला आहे. विभागात अंदाजे 20 हजार 179 क्विंटल अन्नधान्याची, 24 हजार 497 क्विंटल भाजीपाल्याची, 10 हजार 968 क्विंटल फळांची तर कांदा, बटाट्याची 10 हजार 571 क्विंटल इतकी आवक झाली आहे. पुणे विभागात 22 जुलै 2020 रोजी 86.30 लाख लिटर दुधाचे संकलन झाले असून 24.25 लाख लिटर दुधाचे पॅकेजिंग स्वरुपात वितरण झाले आहे. तर उर्वरित दूध सुट्टया स्वरुपात वितरित करण्यात आले आहे, अशी माहिती विभागीय आयुक्त डॉ. दीपक म्हैसेकर यांनी दिली. ( टिप : - सदरची आकडेवारी दुपारी 1.30 वा. पर्यंतची आहे )