पुणे, दि.२३ (विमाका): पुणे प्रादेशिक परिवहन कार्यालयाच्या कार्यक्षेत्रातील सर्व प्रकारच्या वाहन मालक व चालकांसाठी मोटार वाहन निरीक्षकांचा १ जानेवारी ते ३० जून २०१७ या कालावधीतील शिबीर दौरा प्रादेशिक परिवहन अधिकारी बाबासाहेब आजरी यांनी जाहीर केला आहे.
तालुक्याचे ठिकाण वा तालुक्यातील महत्त्वाचे ठिकाण येथे दरमहा एक दिवसाचा शिबीर दौरा असणार आहे. यावेळी शिकाऊ अनुज्ञप्ती, पक्की अनुज्ञप्तीची चाचणी, हलक्या मोटार वाहनांचे योग्यता प्रमाणपत्र नुतनीकरण आदी कामे केली जातील. दौऱ्याच्या दिवशी शासकीय सुट्टी जाहीर झाल्यास त्या दिवसाचा दौरा नियोजित दिवसाच्या आधी किंवा पुढे घेण्यात येईल.
शिबीर दौऱ्याचा कार्यक्रम याप्रमाणे: वेल्हे तालुक्यात जानेवारी ते जून २०१७ या कालावधीत प्रत्येक महिन्याच्या ३ तारखेस, शिरूर – ५ जानेवारी, फेब्रुवारी ते एप्रिलच्या ६ तारखेस, मे आणि जूनच्या ८ तारखेस, भोर - जानेवारी ते मार्चच्या ९ तारखेस, १० एप्रिल, ११ मे, १२ जून, हडपसर - १२ जानेवारी, १३ फेब्रुवारी, १४ मार्च, १५ एप्रिल, मे आणि जूनमध्ये १६ तारखेस, सासवड - जानेवारी ते मार्चमध्ये १६ तारखेस, १७ एप्रिल, १८ मे, १९ जून, पिरंगुट - जानेवारी ते मार्चमध्ये १८ तारखेस, १९ एप्रिल, २० मे, २१ जून, उरुळी कांचन –जानेवारी ते एप्रिलमध्ये २० तारखेस, मे आणि जूनमध्ये २२ तारखेस, कोंढापुरी (शिक्रापूर) - जानेवारी ते मार्चमध्ये २३ तारखेस, एप्रिल आणि मेमध्ये २४ तारखेस, २७ जून तर जेजुरी येथे जानेवारी ते एप्रिलच्या २७ तारखेस आणि २९ मे तसेच २९ जून २०१७ रोजी मोटार वाहन निरीक्षकांचा दौरा होईल.
००००
No comments:
Post a Comment