भीमा - सीना कुडल संगमावरील जलकलश मुंबईला रवाना होणार

सोलापूर दि.22:- छत्रपती शिवाजी महाराज यांच्या आंतरराष्ट्रीय दर्जाच्या स्मारकाच्या भूमिपूजन आणि जलपूजनासाठी आज कुडलसंगम येथील पाणी नेण्यात आले. सहकारमंत्री सुभाष देशमुख, सरपंच सौ. बिराजदार आणि तहसिलदार रघुनाथ पोटे यांच्या हस्ते कुडलसंगमावरील जलाने भरलेल्या कुंभाची आज सकाळी विधीवत पूजा करुन मिरवणूक काढण्यात आली.

            छत्रपती शिवाजी महाराज यांच्या आंतरराष्ट्रीय दर्जाच्या स्मारकाचे भूमिपूजन, जलपूजन येत्या शनिवारी होणार आहे. प्रतप्रधान नरेंद्र मोदी यांच्या हस्ते होणा-या या कार्यक्रमाला राज्यातील विविध गड- किल्ले आणि नद्यांचे पाणी नेले जाणार आहे. सोलापूर जिल्ह्यातून यापूर्वीच पंढरपूर येथील चंद्रभागा नदीच्या पात्रातील पाणी नेण्यात आले आहे.

            सहकारमंत्री सुभाष देशमुख यांचे आज सकाळी अकरा वाजता कुडलसंगम हत्तरसंग येथे आगमन झाले. तहसिलदार रघुनाथ पोटे यांनी त्यांचे स्वागत केले. त्यानंतर भीमा आणि सीना नद्यांच्या संगमावरील पाण्याने भरलेल्या कलशाचे पुजन करण्यात आले. जल कलशाची मिरवणूकही काढण्यात आली. हा कलश उद्या मुंबईत पोहोचणार आहे.

******