शिवाजीनगर येथे रविवारी रोजगार मेळाव्याचे आयोजन

पुणे.दि.16 :पुणे पोलीस आयुक्तालय व जिल्हा कौशल्य विकास, रोजगार व उद्योजकता मार्गदर्शन केंद्र, पुणे यांच्या संयुक्त विद्यामाने रविवार दि. 20 नोव्हेंबर 2016 रोजी सकाळी 10 वाजता रोजगार मेळाव्याचे आयोजन शिवाजीनगर पोलीस मुख्यालयाच्या पोलीस ग्राऊंडवर करण्यात आल्याची माहिती कौशल्य विकास, रोजगार व उद्योजकता सहाय्यक संचालक गं. अ. सांगडे यांनी पत्रकाव्दारे दिली आहे.   

           पत्रकात म्हटले आहे, या रोजगार मेळव्यात जिल्ह्यातील पुणे शहर, भेसरी व चाकण या औद्येागिक परिसरातील 31 उद्योजकांनी सहभाग दर्शविलेला आहे. त्यांच्याकडून एकूध्स 3 हजार 406 रिक्तपदे कळविण्यात आलेली आहेत. जिल्ह्यातील पोलीस कर्मचाऱ्यांचे पाल्य व इतर उमेदवारांसाठी किमान 10 वी, 12वी, पदवीधर, आयटीआय, डिप्लोमा, बीई, बीबीए, ड्रायव्हर्स इ.पात्रता धारण केलेल्या उमेदवारांना रविवार,दिनांक20नोव्हेंबर 2016 रोजीच्या मेळाव्यांतर्गत खाजगी क्षेत्रातील उपलब्ध असणाऱ्या विविध प्रकारच्या जागांसाठी प्रत्यक्ष मुलाखतीस (walk-in-lnterview) उपस्थित राहुन,या सुवर्णसंधीचा लाभ घ्यावा.    

   सहभाग घेणऱ्या सर्व उमेदवारांनी www.maharoigar.gov.in या वेबसाईटवर जाऊन उदयोजकांची मागणी पाहुन आपली ऑनलाईन संमती नोंदवावी. या बाबत काही अडचण आल्यास या कार्यालयाचा दुरध्वनी क्रमांक 020-26133606 वर श्री.तु.गं.डगळे, कौ.वि.रो.व.उ मार्गदर्शन अधिकारी किंवा वि.शां. दळवी यांच्याशी संपर्क साधावा. महिलांसाठी ॲडविक हाय-टेक प्रा.लि.खराबवाडी, चाकण,ॲम्फेनॉल इंटरकनेक्ट इंडिया प्रा.लि.भोसरी इंडस्ट्रीयल एरिया,पुणे-26  टाटा कन्सल्टन्सी सर्व्हीसेस लिमिटेड, सह्याद्री पार्क, हिंजेवडी पुणे -411057 या उद्योजकांनी महिलांसाठी जागा असल्याचे पत्रकात नमुद करण्यात आले आहे.                

0000