सातारा
दि.30
(जि.मा.का.):जिल्हा परिषद सातारा , पशुसंवर्धन विभागामार्फत
पशुपालकांसाठी वैयक्तीक लाभाच्या
विविध योजना राबविल्या जातात. या योजनांचा लाभ घ्यावा, असे
आवाहन जिल्हा पशुसंवर्धन उपआयुक्त डॉ.विनोद पवार यांनी केले आहे.
योजनांची
माहिती व लाभार्थी निवडीचे निकष पुढीलप्रमाणे-
विशेष घटक योजना सन २०१६-१७
अनु . जाती व नवबौध्द लाभार्थीना ७५
टक्के अनुदानावर दुधाळ जनावरांचे
गट वाटप (प्रत्येकी २ गाई अथवा म्हैशीचे
वाटप ), अनु. जाती व नवबौध्द
लाभार्थीना ७५ टक्के
अनुदानावर शेळी गट वाटप ( १० शेळ्या
+ १ बोकड )अनु . जाती व नवबौध्द
लाभार्थी कडील जनावरांना भाकड
कालावधीसाठी १०० टक्के
अनुदानावर खाघ वाटप योजना.
या योजनांसाठी लाभार्थीनी
करावयाच्या अर्जाचा नमुना
पशुधन अधिकारी विस्तार, पंचायत
समिती यांचेकडे उपलब्ध
असून त्यासोबत लाभार्थीनी
स्वत: चे फोटो व
ओळखपत्राची सत्य प्रत, जातीचा
दाखला , दारिदयरेषेखाली असल्यास
क्रमांक व गुणांसह दाखला, शासकीय सेवेत नसल्याबाबतचा
तसेच १ मे २००१ पुर्वी ३ रे अपत्ये
नसलेबाबतचा ग्रामसेवकाचा दाखला, जमिनीचा खाते उतारा, शेतमजूर असल्यास
दाखला , लाभार्थी हिस्सा भरण्यासाठी
बॅकेचे प्रमाणपत्र अथवा
स्वत:चे हमीपत्र खाघ वाटप व
प्रशिक्षण योजनेसाठी ग्रामपंचायतीचा ठराव
प्रत, पशुधन अधिकारी विस्तार, पंचायत
समिती यांची शिफारस इत्यादी कागदपत्रे
सादर करणे आवश्यक आहे.
विशेष
घटक योजने अंतर्गत दुधाळ जनावरांचे
गट वाटप योजना (२
गाई किंवा २ म्हशी ) व शेळी गट वाटप योजना (१०
शेळ्या + १ बोकड ) या योजनांसाठी
पात्र लाभार्थीनी दि . २० ऑगस्ट २०१६ पर्यत नजिकच्या पशुवैघकीय
दवाखान्यांमार्फत पंचायत समितीकडील
पशुसंवर्धन विभागाकडे अर्ज सादर
करावेत, असेही डॉ.पवार यांनी कळविले आहे.
00000
No comments:
Post a Comment