मुंबई, दि. 25: राज्य शासनाच्या वन विभागाने दि. 1 जुलै 2016 रोजी राज्यभरातदोन कोटी वृक्ष लागवडीचा संकल्प करून उद्दिष्ट पूर्ण केले आहे. या मोहिमेत माहिती वजनसंपर्क महासंचालनालयाने प्रसिद्धी व जनजागृतीसाठी दिलेल्या योगदानाबद्दल वनमंत्रीसुधीर मुनगंटीवार यांनी विशेष अभिनंदन केले आहे.
या मोहिमेसाठी माहिती विभागाने वृत्तपत्रे, आकाशवाणी, विविध वृत्त वाहिन्या,महान्यूज वेबपोर्टल, सोशल मीडिया, लोकराज्य व महाराष्ट्र अहेड मासिके अशा विविधप्रसार माध्यमातून प्रभावीपणे प्रसिद्धी मोहीम राबविली होती.
यासंदर्भात वनमंत्री श्री. मुनगंटीवार यांनी माहिती महासंचालक ब्रिजेश सिंह यांनाविशेष अभिनंदन पत्र पाठवले आहे. अभिनंदन पत्रात वनमंत्री म्हणतात, लोकराज्य,महाराष्ट्र अहेड जुलै 2016 च्या अंकात संकल्पाच्या निमित्ताने दिलेल्या मुलाखती, लेख,व्याघ्र संवर्धनासंबंधीची माहिती अभ्यासपूर्ण व महत्वपूर्ण आहे. तसेच ‘शिवार भरू लागले’या लेखात जलयुक्त शिवार योजनेची माहिती शेतकऱ्यांना प्रोत्साहित करणारी आहे. शिवाय‘आधुनिक शेती आणि अधिक उन्नती’ या लेखातून 44 व्या संयुक्त कृषी संशोधनपरिषदेत झालेल्या चर्चेमधील महत्वाचे चिंतन देण्यात आले आहे, असेही वनमंत्र्यांनी नमूदकेले आहे.
‘जगातील वाघ’ हा लेखही वाघाविषयी सर्वांगीण माहिती देणारा आहे. एकूणचअंकातील वनसंवर्धन, व्याघ्र संवर्धन, जल, जमीन यांच्या संवर्धनाची माहिती देणारे लेखअसल्यामुळे हा अंक माहितीपूर्ण, वाचनीय व आकर्षक झाल्याचे त्यांनी पत्रात म्हटले आहे.
महासंचालनालयाने वनमंत्र्यांच्या संकल्पाची व्यापक जनजागृती करण्याच्या दृष्टीनेराज्यभरात प्रसिद्ध मोहीम राबविली. लोकराज्य, महाराष्ट्र अहेड या मासिकातून लेखाद्वारेतर महान्यूज या शासकीय वेबपोर्टलवरून ‘वृक्षवल्ली आम्हा सोयरे’ या सदरातूनराज्यभरातील विविध तज्ज्ञांचे लेख प्रसिद्ध करण्यात आले. शिवाय वृत्त विभाग, जाहिरात,सोशल मीडियाद्वारेही वनसंवर्धनाविषयी व्यापक प्रसिद्धी देण्यात आली. ट्विटर, फेसबुक,व्हाटसअॅप या सोशल मीडियाद्वारेही वृक्षांचे महत्व पटवून देण्यासह पत्रकारांना लेख,बातम्या आदी मजकूर वेळोवेळी उपलब्ध करून देण्यात आला.
वनमंत्री श्री. मुनगंटीवार यांनी वृक्ष लागवडीच्या मोहिमेत यशस्वी योगदानदिल्याबद्दल लोकराज्यचे अतिथी संपादक मनीषा पाटणकर-म्हैसकर, मुख्य संपादक ब्रिजेशसिंह, प्रबंध संपादक देवेंद्र भुजबळ, संपादक सुरेश वांदिले आणि संपूर्ण लोकराज्य टीमसहमहासंचालनालयाचे अभिनंदन केले आहे.
००००
No comments:
Post a Comment